Долоо хоногийн шилдэг зөн билэгтнээр Г.Анударь тодорлоо

“Зөн билгийн тулаан Монголд” шоу нэвтрүүлгийн дөрөв дэх дугаар өчигдөр NTV телевизээр цацагдлаа. Улмаар нэвтрүүлгийн төгсгөлд анхны цагаан болон хар дугтуйны эзэд тодорсон юм.

Тодруулбал долоо хоногийн шилдэг зөн билэгтнээр  хоёр дугаартай Г.Анударь тодров.Тэрбээр сүүлийн хоёр дугаарт маш сайн оролцсон нь ийнхүү ялагч болоход нөлөөлсөн байна. Түүнчлэн өмнөх сорилуудад хамгийн бага оноо авсан нэг оролцогч болох Алхимава Шивасио Муканжуши тэмцээнээс хасагдлаа. Ингснээр шилдэг 10 зөн билэгтнээс ес нь нь цааш нэвтрүүлгээ үргэлжлүүлэхээр боллоо.

Зөн билэгчид энэ долоо хоногт хоёр сорилд оролцсон. Нэг нь  нүдээ боолгуулсан байдалтай  “Богд хааны ордон музейд” очиж, ямар газар болохыг тодорхойлсон. Мөн цусны өвчнөөр шаналж буй бяцхан хүү Түшиглэнгийн ээж М.Мөнхтуул зөн билэгтнүүдэд хандсан юм. Үл мэдэгдэх  өвчний талаар зөн билэгтнүүд хүүгийн тоглоомоос энерги мэдэрч, дараа нь зургийг нь харж юу мэдэрч байгаагаа хэлсэн билээ.

Medee.MN