Загвар өмсөгч, мисс Ю.Балжидмааг Боловсрол суваг телевизийн албан ёсны эрхтэйгээр зохион байгуулсан “MNTM” шоу нэвтрүүлэгт оролцоход нь шүүмжлэх хүмүүс цөөнгүй байсан юм. Мисс болон загварын шоу тэмцээнд олонтаа оролцдог туршлагатай нэгэн тул энэ салбарт шинээр орж ирж буй охидтой өрсөлдөх нь шударга бус гэж үзэж байлаа. Гэвч тэрбээр энэ бүх шүүмжлэлийг ардаа орхиж, монголын удаах топ модель болохоор хичээнгүй зүтгэж шилдэг гурван оролцогчийн нэг болсон. Шоуны туршид насаа нэмж оролцсон гэх яриаг дагуулаад байсан Ю.Балжкаг загвар өмсөгч Э.Энхболд ийн дүгнэжээ.
“Балжкаг анх модель болж орж ирж байхыг нь санаж байна.Өөртөө итгэлтэй, зорьсон зорилготой, бас насандаа баймгүй хөдөлмөрч хичээнгүй хүүхэд байж билээ. Тэр үеэс хойш нэлээдгүй хугацаа өнгөрч, олон ч дурсамж ард үлдэж. Одоо бол хэзээний төрсөн модель. Их олон тэмцээн зураг авалтанд хамтарч оролцож байна. Ингээд бодсон чинь энэ хүүхэд ийм хурдан өсч томроод байна уу эсвэл би ингээд залуужууд байна уу гэх бодол өөрийн эрхгүй төрлөө” гэжээ.
Б.ОЮУН
Эх сурвалж: www.zone.mn
