АН-ын бүлэг нэр дэвшигчээ маргааш сонгоно

АН бүлэг ерөнхийлөгчид нэр дэвшигчдээ өнөөдөр 13:40 цаг хүртэл бүртгэж байгаа билээ. АН намын бүлгээс ерөнхийлөгчийн сонгуульд нэр дэвших ихээхэн Н.Алтанхуяг өнөөдөр албан ёсоор нэр дэвших хүсэлтээ намын удирдлагуудад өглөө. Түүнээс өмнө УИХ-ын гишүүн Л.Болд, УИХ-ын гишүүн асан Р.Амаржаргал, Х.Баттулга нар АН-ынхаа дотоод сонгуулийн хороонд бүртгүүлжээ. Тус намаас нэр дэвших гурван хүн байсан бол ийнхүү дөрвүүлээ боллоо. Харин Э.Бат-Үүл, Д.Дорлигжав нар Ерөнхийлөгчийн сонгуульд нэрээ дэвшүүлж буйгаа албан ёсоор мэдэгдсэн билээ. АН Ерөнхийлөгчийн сонгуульд нэрээ дэвшүүлсэн гишүүдийг нийт гишүүдийнхээ саналаар сонгох юм. Энэ талаар АН-ын дарга С.Эрдэнэ “Нэрээ дэвшүүлсэн гишүүдээс хэнийг нь Ерөнхийлөгчийн сонгуульд АН-ын төлөөлж өрсөлдүүлэхээ намын нийт гишүүд шийднэ. Тавдугаар сарын 3-нд буюу маргааш намын бүх гишүүн оролцсон санал асуулга болно. Тэндээс хамгийн олон санал авсан нэр дэвшигчийг тодруулж, АН-ын VIII их хурлаар оруулж нууц санал хураалтаар баталгаажуулна. АН-ын нэр дэвшигч хуулийн дагуу тавдугаар сарын 6-ны дотор тодорно” гэж мэдээллээ.

PAPARATSI.MN