Дуучин Мино тайзнаа эргэн ирлээ

             Охидын “Sound of kiss” хамтлагийн экс гишүүн, “Эмоци” продакшинд данстай жүжигчин, фото модель гээд олон “гуншинтай” нэгэн бол Мино юм. Кинонд шимтэгсэд “Хайрлаж болох уу”, “Амьдралд тавтай морил”-д тоглосноор нь анддаггүй. Мөн “Хар сарнай” Амраагийн дүү С.Амарбаясгалантай хамтран дуулсан  “Хатариш”-аар мэддэг. Энэ дууг дуулснаасаа хойш хатариш Мино нэртэй болсон адтай бүсгүй өнгөрсөн удаад “Romance”, “Чинийх” зэрэг соло уран бүтээлээ дүрсжүүлэн олонд хүргээд амжсан юм. Тэгвэл энэ удаад үзэгчдийн эртний танил нэгэн Япон дуугаар сонсогчдодоо бэлэг барих гэнэ. Тодруулбал энэ сарын 28-нд Бишрэлтийн “The Embassy” ресторанд болох “TOKYO NIGHT -2017”-д Мино энэ дуугаа дуулахаар бэлтгэлдээ хэдийн орсон гэнэ шүү. Нэмж сонирхуулахад уг дууны клип тун удахгүй цацагдаж сонсогчдод хүрэх юм байна.

PAPARATSI.MN