Ц.Мөнх-Оргилын тансаг “цамаархал”

УИХ-ын гишүүн Гадаад хэргийн сайд Ц.Мөнх-Оргил багахан цэцэрлэгийн хэмжээний байрыг  иргэдтэй уулзах өрөө болгон тохижуулсан гэнэ. Өөрөөр хэлбэл, “Ц.Мөнх-Оргилын төлөөлөгчийн газар” нэртэй уулзалтын өрөөнд тойргийн иргэдтэй уулзаж байх юм гэнэ. Уулзалтын өрөө нь даваагаас баасан гарагийн 09:00-18:00 цагийн хооронд ажиллаж байх юм байх.

Тэрбээр Гадаад хэргийн сайдын, УИХ-ын гишүүний ажлыг хэзээ нь хийх гэж төлөвлөж байгааг таашгүй. Тэрбээр энэ талаар “Сонгогчидтойгоо илүү ойр уулзаж, үзэл бодлоо хуваалцах боломжтой болж байгаад баяртай байна. Иргэдийн ийм оролцоо идэвхээр манай төв цаашаа өргөжинө. Их баярлалаа” гэсэн байгаа юм. Тиймээс энэхүү сонгуулийн штаб шиг газар нь улам л томорч хөгжин цэцэглэх юм байх.

Ингэж шоу хийж байхаар тэр илүү гараад байгаа мөнгөөрөө ганц цэцэрлэг бариад өгчихсөн бол их л буян болох байсан байх даа. Мэдээж тус төвд байнга үйл ажиллагаа явуулах юм чинь 2-3 хүн  ажиллах нь ойлгомжтой.  Тэдний цалин хөлсийг ч эрхэм сайд л өгөх биз. Харин тэр мөнгө татвар төлөгчийнх байх уу, эсвэл гэдэг нь сонин байна. Хэрвээ төрийн мөнгөөр ингэж “сонгуулийн шоу” хийж байгаа бол арай дэндсэн л үйлдэл гэлтэй.

ЭХ СУРВАЛЖ: MMINFO.MN