Сирид цохилт өгүүлэхээр охин Иванка нь Tрампыг ятгасан гэжээ

Их Британийн дипломат эх сурвалж, Сирид пуужингийн цохилт өгөх АНУ-ын ерөнхийлөгч Дональд Трампын шийдвэрт охин Иванка Трамп нь ихээхэн нөлөөлсөн гэж хэлсэн байна. Энэ тухай The Independent мэдээлсэн байна.

Тухайлбал, Вашингтон дахь Их Британийн элчин сайд,Ким Даррок, Ерөнхий сайд Tереза Мэй, Гадаад хэргийн сайд Борис Жонсон нарт мэдээлэхдээ Иванка Трамп Сирийн асуудлаар "Зууван танхимд мэдэгдэхүйц нөлөө үзүүлсэн" гэж хэлсэн ба Дональд Трампын охин "хүлээгдэж байгаагаас илүү хүчтэй" довтлох тухай зөвлөсөн гэжээ.

Дөрөвдүгээр сарын 7-нд АНУ-ын Тэнгисийн цэрэг, Хомс муж дахь Сирийн нисэх хүчний Шайрат баазыг 59 далавчит пуужингаар харвасан билээ. Трамп энэ тухайд Идлиб мужид сири химийн зэвсэг хэрэглэсний хариу арга хэмжээ болгож, тухайн нисэх буудлыг довтлох шийдвэрээ тайлбарласан билээ.