Ээ больё оо, Галбаяр аа

Ингэж хэлэх болсон нь бас учиртай л даа. Учир нь Д.Галбаярын ээлжит уран бүтээл болох “Түцний охид” дэлгэцнээ гарахад бэлэн болсон гэнэ. Гэвч энэ удаа найруулагчийн барьж авсан сэдэв арай “жулдаа” юу даа гэж бодогдсоныг нуух юун. Өнөөдөр ТҮЦ. Магадгүй маргааш СӨХ-ын даргын тухай кино хийхийг үгүйсгэхгүй бололтой.  Найруулагчийн хувьд амрах завгүй уран бүтээлийн эрэлд гарч буй нь сайшаалтай ч тулга тойрсон жижигхэн сэтгэхүйгээсээ салах цаг болсон л баймаар юм. Киноны сэдэв мундсан биш очиж, очиж “Түцний охид” байдаг нь ч юув дээ гэж харах нэгэн байгаа бол тооноос илүү чанарт нь анхаарна гэдэг шиг сэдвээс илүү агуулгад нь уг бүтээлийн мөн чанар нуугдаж байхыг алийг тэр гэх вэ гэх хүмүүс ч байна.

Ямартаа ч тэрбээр саяхан “Хувьсал” продакшнтай хамтран “Миний нууц” киног үзэгчдийн хүртээл болгосон бол дахин шинэ бүтээлээрээ ийнхүү  үзэгчидтэйгээ уулзах нь. Анзаарах нь урьд нь нэг найруулагчийн бүтээл ингэж сар дараалан нээлтээ хийж байсан удаагүй байх.

PAPARATSI.MN