Долоон настай хүүгийн аминд хүрсэн этгээдүүдэд яллах дүгнэлт үйлджээ

Өнгөрсөн оны есдүгээр сард долоон настай хүү бусдын гарт амиа алдсан харамсалтай хэрэг гарсан талаар өмнө нь мэдээлж байсан билээ. Тэгвэл уг хэргийг үйлдсэн этгээдүүдэд прокуророос ял оноосон байна. Долоон настай хүүгийн амийг хороох захиалга өгсөн С-д Эрүүгийн хуулийн 91.2.3, 91.2.11, 91.2.15, хүүг хөнөөсөн Б-д Эрүүгийн хуулийн 145.2, 91.2.4, 91.2.11, 91.2.15-д үндэслэн прокурорын байгууллагаас яллах дүгнэлт үйлдэж өчигдөр шүүхэд шилжүүлжээ.

Хэргийг эргэн сануулахад, уг хэрэг Дорнод аймгийн Хэрлэн суманд гарсан бөгөөд долоон настай Т гэх хүү гэр бүлээс гадуурх харилцааны хохирогч болсон юм.Талийгаач хүүгийн аав Ц нь гэр бүлээс гадна 1992 онд төрсөн С гэгчтэй хувийн дотно харилцаатай байсан аж. С нь Ц-г гэр бүлээс нь салгах зорилгоор тус суманд оршин суугч Б-д мөнгө амлаж, захиалгаар хүүг хөнөөлгөсөн нь мөрдөн байцаалтын явцад тогтоогдсон билээ. Харин хүүгийн амийг захиалгаар хөнөөсөн Б нь 1998 онд төрсөн бөгөөд өмнө нь Эрүүгийн хуулийн 145.2 буюу хоёр удаагийн хулгайн хэргээр хоёр жилийн хорих ялаар шийтгүүлж, хоёр жилийн тэнсэнтэй байсан аж.

PAPARATSI.MN