Ц.Сандуй сар шинийн үеийн шуугианы эзэн болжээ

Аргагүй Монгол Ардын намын Удирдах зөвлөлийн гишүүн, Нийслэлийн Ардын намын дарга, НИТХ-ын дарга гэсэн урт гуншинтай том дарга болсон хойно Ц.Сандуй сар шинээр төр нийгмийн нэрт зүтгэлтэн Ж.Батмөнх гуайн гэргийд очиж золгон хүндэтгэл үзүүлж, үүнийгээ ч твиттерт гайхуулахаа мартсангүй.

Харамсалтай нь байсгээд л асуудалд ороогдож, олны хэл аманд өртөж явдаг хотын удирдлагуудын нэг “МАХН-ын Ерөнхий нарийн бичгийн дарга асан Ж.Мөнхбат агсны гэргий Д.Даариймаа” хэмээн том андуурч жиргээд улс төрийн тогооныхон, сошиалынхны буузны хачир, амны зугаа болж хувирсан нь энэ аж.

60 тэрбумын бичлэг гэх дуулианд холбогдож олны анхааралд өртсөн Ц.Сандуй Жамбын Батмөнх агсныг Ж.Мөнхбат хэмээн андуурсан тухай сошиалынхан “ЗГХЭГ-ын дарга Ж.Мөнхбатад долигонов уу”, “Ж.Мөнхбат мөнх наслах боллоо” гэхчлэн даажинтай жиргэцгээжээ.

Том андуурсан НИТХ-ын дарга алдаатай жиргээгээ бушуухан засаж амжсаныг ч хурц нүдтэй жиргээчид олзлоод амжжээ.

Үүнтэй нь холбогдуулж УИХ-ын гишүүн Т.Аюурсайхан “Төрийн албанд зүтгэж байгаа залуус яаж гоё харагдах вэ гэж сэтгэлээ чилээх бус яаж ажлаа сайн хийх вэ гэж сэтгэлээ чилээдэг байгаасай” хэмээн жиргэсэн байна.

“