Цагаан сараар цээрлэх зүйлс

Монгол түмний уламжлал болсон цагаан сарын баяраар дараах зүйлсийг цээрлэдэг байна.

Үүнд:

- Айлын эцэг нас барсан бол бүсгүй хүүхэд нь 3 жил таваг засахыг цээрлэдэг.

- Хүний хүн болоогүй, өрх толгойлсон бүсгүй хүн шүүс тавихыг цээрлэдэг. Мөн тийм бүсгүй айлд зочлоод өөрөө шүүсэнд хүрэхийг хориглодог. Гэрийн эзэн өөрийн гараар тухайн бүсгүйд махан шүүс өгөх учиртай.

- Үйл үртэс хийх, хуучин хувцас оёж шидэхийг цээрлэнэ.

- Усанд явбал нагац ах нарт муу

- Эд мал зээлээр өгвөл гарзын үүд нээгдэнэ

- Шинийн 1-нд айлд хоновол тэр жилдээ гэртээ тогтохгүй.

- Сар шинийн үеэр уйлах, хэрэлдэх, хараал хэлбэл тэр жилдээ гэр оронд хэрүүл тасрахгүй.

- Шинийн 1-нд үнс хог хаях, зочны өөдөөс бие засахаар явах нь зохисгүй.

- Шинийн 1-нд өдөр унтах, хэвтэж өнгөрүүлбэл өвчин зовлон тасрахгүй.

- Шинийн 7-нд айл хэсдэггүй. 7 бурхан одыг хүндэтгэж сүүн цацал өргөдөг.

- Шинийн 3-наас хойш тахил болон тавгийн идээг буулгадаг. Шүүсээ хурааж, айл хэсэхийг зогсоодог.

- Архи сархадыг хэтрүүлэн хэрэглэж агсам согтуу тавих, тухайн айлын идээ шүүсийг нураах, зохисгүй байдлаар хүрэх зэрэг нь тухайн зочилсан айлдаа муу ёр зөгнөдөг тул цээрлэх.