Телевизээр 1-2 хулгайч гарч байвал гэмт хэргийн мэдээ, Түүнээс дээш хулгайч гарч байвал Улсын их хурлын мэдээ

Хөгжлийн банкны асуудлаар МАН-ын нөхдүүдийг шалга!  гэсэн үг бол АН-ын бүлгийн дарга Д.Эрдэнэбатын сэтгүүлчдэд хэлсэн үг. Хөгжлийн банкнаас авсан зээлийг зөвхөн Ардчилалынхан хувааж идээгүй, МАН-ынхны оролцоо ч бас байгаа хэмээн АН-ынхан байр сууриа илэрхийлээд байна. Мөн  Ардчилалынханд хэн нь хэдэн төгрөг аваад түүгээрээ юу хийсэн нь тодорхой баримттай байгаа гэсэн мэдээлэл бий. Гагцхүү хоёр намынхан нэг тогооноос хамтдаа хоол идчихээд одоо нэг нэгнийгээ баривчлан, жүжиг ший тавьж байгаа нь үнэхээр инээдтэй. Нэг ийм үг байдаг даа “Телевизээр 1-2 хулгайч гарч байвал гэмт хэргийн мэдээ. Түүнээс дээш хулгайч гарч байвал Улсын их хурлын мэдээ” гэж... Дотроосоо ялзарсан Монголын төрөөр долоон настай хүүхэд ч доог тохуу хийхээр цаг нь ирж! 

PAPARATSI.MN