“Сайн аав”-уудтай танилцая

Монголын кино урлагт бодит амьдралаас сэдэвлэн бүтээгдсэн нэгэн сайхан утга агуулга бүхий дэлгэцийн бүтээл үзэгчдийн хүртээл болсон нь “Сайн аав” уран сайхны кино юм. Улаанбаатар такси компанийн жолооч Т.Даваасүрэн агсаны гэгээн дурсгалд зориулан бүтээгдсэн уг киноны гол дүрд жүжигчин, найруулагч МУСТА С.Баттулга (аавын дүрд) тоглосон нь олны сэтгэлд тун ч нийцсэн бололтой. Үйл явдал бүр нь үзэгчдийн зүрхэнд хүрч, сэтгэлийг догдлуулан нулимсыг асгаруулж байгаа кинонд гэр бүлийн үнэ цэнэ, эцэг хүний орон зайн илэрхийлэмжийг тодоос тодоор мөнхлөн харуулж чаджээ.

Үзэгчдийн хүртээл болуутаа л олны талархлыг хүлээж хамгийн их билетийн борлуулалттай байгаа тус киног Жиргээ.мн сайтын захирал Соёлбаатарын Чулуунтогтох продюсерлан Т.Даваасүрэн агсаны гэр бүлд бүхий л нөөц бололцоо, халуун дулаан сэтгэлээрээ дэм өгчээ. Харин бидний мэдэх олны танил хүмүүс болох “Би чамд хайртай” киногоороо олонд танигдсан жүжигчин Н.Бадрал, найруулагч, продюсер, жүжигчин Н.Оргил, сэтгүүлч, найруулагч Г.Золжаргал нар  “Сайн аав”-аас үлгэр жишээ авахаар ирсэнийг бид дурандаа буулгаснаа хуваалцаж байна. Сайн аавуудтай танилцая. 

PAPARATSI.MN