Нэр хүндтэй одууд Трампийн тангараг өргөх ёслолд оролцохоос татгалзав

Энэ сарын 20-нд АНУ-ын шинээр сонгогдсон Ерөнхийлөгч Доналд Трампийн тангараг өргөх ёслол болно. АНУ-ын нэр хүндтэй агентлагууд удахгүй болох эл үйл явдлын талаар одооноос л элдэв мэдээллүүдийг чухалчилсаар байна.

Тэгвэл Бүгд Найрамдах намаас ялалт байгуулсан Трампийн тангарагийн баярт уригдсан нэр хүндтэй одод уг арга хэмжээнд оролцохоос татгалзсаар байгаа аж. Тухайлбал, Бруно Марс, Кэйти Пэрри, Арета Фрэнклин, Жастин Тимберлэйк, Италийн алдарт дуучин Андреа Бочэли нар ноён Трампийн хамгийн “халуухан” үдэшлэгт оролцохоос шууд ба шууд бусаар татгалзах болжээ.

Ингэснээр шоу ертөнцийнхний дунд эхнээсээ л нэр сүр муутай байсан Трамп бяцхан эвгүй байдалд орсон бөгөөд алдарт дуучин Элтон Жон хүртэл тэрхүү арга хэмжээнд очихгүй байхаар шийдсэн бололтой.

TIME.MN