Ерөнхийлөгчийн сонгуульд С.Жавхлан гишүүний хийж болох алхмыг таслан зогсооно!!!

ы өмнөхөн УИХ-ын гишүүн Н.Энхболд нарын таван гишүүн Монгол Улсын Ерөнхийлөгчийн сонгуулийн тухай, Сонгуулийн тухай хуульд нэмэлт оруулах тухай хуулийн төслүүдийг өргөн мэдүүлсэн юм. Энэ нь МАН-аас Ерөнхийлөгчийн сонгуульд өрсөлдөх нэр дэвшигчийн талд тоглоомын дүрмийг өөрчлөх гэсэн санаархал болох нь тодорхой байгаа юм.

Үүнтэй холбогдуулан бусад нам хүчний зүгээс ч дуугарч эхэллээ. Тухайлбал сая МАХН-ын төлөөлөл болсон УИХ-ын гишүүн О.Баасанхүү мэдээлэл хийж “Ерөнхийлөгчийн сонгуулийн тухай хууль боловсруулах ажлын хэсэгт миний бие орохыг санал болгосон ч оруулаагүй. Энэ хуульд заасан хэд хэдэн заалт нь Үндсэн хууль зөрчсөн” хэмээлээ.

О.Баасанхүү болон МАХН-ын гишүүд дөрвөн үндэслэлээр энэ хуулийг эсэргүүцэж байгаа нь

,

• “Дөчин таван нас хүрсэн, сүүлийн таваас доошгүй жил эх орондоо байнга оршин суусан, энэ хуульд заасан бусад шаардлагыг хангасан Монгол Улсын уугуул иргэн Ерөнхийлөгчөөр сонгогдоно” гэсэн заалт нь Үндсэн хуульд заасан Монгол Улсын уугуул иргэн нь хаана ч амьдрах, чөлөөтэй зорчих, амьдрах бүрэн эрхтэй гэж заасан байдаг. Монгол Улсад амьдардаг байх ёстой гэж хуульд тусгаад, түүнийг нь Хил хамгаалах ерөнхий газраас баталгаажуулсан лавлагаагаар гэж заасан хууль зөрчиж байна.

• Улсын Их Хуралд суудал бүхий улс төрийн нам дангаараа оролцоно. Монгол Улсад 21 нам байгаа. Намаар харьяалж байгаа нь нэр дэвшигчдэд саад хийсэн үйлдэл гэж МАХН үзэж байгаа юм байна. Заавал намын гишүүн байхаар хуульчилсан нь сонгогдох эрхээ эдэлж байгаа хүнийг аль нэг намд элсүүлэх шаардлага тавьж байна.

• Улсын Их Хуралд суудал бүхий улс төрийн намууд хамтран гэж заасан нь хууль зөрчиж байна. Ганцхан суудалтай МАХН-ыг аль нэг намтай хүчээр хамтарч оруулах гэсэн санаатай байна гэлээ.

• “Төрийн жинхэнэ албан хаагч Ерөнхийлөгчид нэр дэвших бол сонгуулийн жилийн нэгдүгээр сарын нэгний өдрөөс өмнө төрийн албанаас чөлөөлөгдсөн байна” гэж заасан ч энэ хууль өөрөө нэгдүгээр сарын дундуур батлагдах учраас мөрдөх боломжгүй.

• Улсын Их Хуралд суудалгүй нам Ерөнхийлөгчийн сонгуульд нэр дэвшигчийг дэмжиж болно. Энэ заалт нь сонгуульд оролцохгүй байж болно гэсэн санаа байна. Улстөрийн намууд бусад намын нэр дэвшигчийг дэмжихээс өөрөөр хамтрах боломжгүй гэж заасан нь хууль зөрчсөн гэж үзэж байгаа зэрэг юм байна.

“Энэ хууль батлагдвал МАН-аас өөр нам Ерөнхийлөгчид хүн дэвшүүлэх боломжгүй юм байна” хэмээн О.Баасанхүү гишүүн жиргэжээ. Тэгвэл энэхүү хууль УИХ-ын гишүүн С.Жавхланд нэлээн хамааралтай бололтой. Эх сурвалжуудын мэдээлж буйгаар С.Жавхлан гишүүн аль нэг намд элсэх буюу шинэ нам байгуулж улмаар парламентад суудалтай нам гэгдэн Ерөнхийлөгчид өрсөлдөх нэр дэвшигчийг гаргаж ирэх аюулаас МАН-ынхан сэргийлж байгаа нь энэ аж.

Өчигдөр хуралдсан УИХ дахь МАН-ын бүлгийн хуралдааны дараа уг хуулийн төслийг санаачилсан УИХ-ын гишүүн Н.Энхболд, тус намын бүлгийн дарга Д.Хаянхярваа нар мэдээлэл хийхдээ “Ерөнхийлөгчийн сонгуулийг зургадугаар сарын сүүлээр зохион байгуулна гэж бодоход нэгдүгээр сард багтаан холбогдох хуулиндаа нэмэлт өөрчлөлт оруулчихбал онцын зөрчилдөх зүйл үүсэхгүй. Сонгуулиас 150 хоногийн өмнөөс холбогдох хуулиндаа нэмэлт өөрчлөлт оруулахгүй гэсэн заалт оруулж өгсөн байгаа” гэсэн юм.

Тэгэхээр эрх баригчид нэгдүгээр сард багтааж энэхүү хуулийн төслийг ногоон гэрлээр баталчихаад сонгууль хүртэлх таван сарын турш хуулиа тас тэврээд хэвтчих боломжтой болно. Тэр үед бие даагч С.Жавхлан юу ч хийгээд нэмэргүй.

Ингэснээр МАН-ынхан Намбарын Энхбаярыг нэр дэвших бололцоог хаасан шигээ бас нэгэн аюултай өрсөлдөгчийнхөө боломж, бололцоог хаагаад зогсохгүй МАХН болон АН-аас гарч ирэх нэр дэвшигчийг хүртэл нэлээн нарийн шалгуур тавьж чадах юм.

Одоо О.Баасанхүүгээс бусад нь, тухайлбал С.Жавхлан гишүүн, цөөнхий бүлгийнхэн энэ хуулийн төслийн талаар юу гэж дуугарах нь сонин.

Гамшгийн хэмжээнд хүрсэн утааны асуудал, хүүхдийн өвчлөл зэрэг нийгэмд харанга дэлдсэн асуудлуудыг шийдэхдээ шийдлээ олдоггүй улстөрч, дарга нарын ухаан иймэрхүү хор найруулах юман дээрээ тун чиг сайн ажилладаг нь гайхалтай шүү!