Маргааш талбайн баруун зүүн талын замыг хааж зогсоолуудыг үнэгvй болгоно

Жил бүр уламжлал болгон зохион байгуулдаг “Улаанбаатарын мөнгөн үдэш” баярын цэнгүүн 2016 оны 12 дугаар сарын 31-ний өдрийн 18:00-01:00 цагийн хооронд Сүхбаатарын талбайд зохион явагдаж, иргэд улиран одох 2016 оноо үдэж, айлчлан ирж буй 2017 оноо угтан авна.

Цэнгүүний үеэр иргэдийн тав тухтай, аюулгүй байдлыг хангах үүднээс Сүхбаатарын талбайн баруун, зүүн хоёр талыг бүрэн хааж, ойр орчим байрлах зогсоолууд иргэдэд үнэ төлбөргүй үйлчлэх тул иргэд өөрсдийн тээврийн хэрэгслийг Хангарьд ордон, Тусгаар тогтнолын ордон, Соёлын төв өргөө, Дуурь бүжгийн эрдмийн театр, Драмын театр, Спортын төв ордон, Соёлын төв өргөө, Нийслэлийн засаг даргын тамгын газар зэрэг зогсоолуудад зөв байршуулж баярын арга хэмжээнд оролцохыг зөвлөж байна.

ЖОЛООЧ, ЗОРЧИГЧ, ЯВГАН ЗОРЧИГЧ ТА ЗАМЫН ХӨДӨЛГӨӨНИЙ ДҮРМЭЭ БАРИМТЛАН, САХИЛГА, СОЁЛТОЙ ХӨДӨЛГӨӨНДӨӨ ОРОЛЦОЖ ШИНЭ ОНОО УГТААРАЙ. ТА БҮХЭНД ШИНЭ ЖИЛИЙН БАЯРЫН МЭНД ХҮРГЭЕ.

ЗАМЫН ЦАГДААГИЙН АЛБА