Ж.Эрдэнэбатын Эрдэнэтийн 49 хувийг худалдаж авсан талыг “дээрэмдэхгүй” гэснийг “орчуулахад”…

Admin

2016/10/07

Эрдэнэт үйлдвэрийн алдсан хувиа засаг буцаан авахаар боллоо. Одоо хэзээ яаж хэрхэн авах нь олон нийтийн сонирхлыг хамгийн их татаж байна. Гэтэл тэдний урмыг Ерөнхий сайд Ж.Эрдэнэбат “МАН-ын бүлэг энэ асуудлыг сайтар ярилцаж байгаа. Засгийн газрыг төлөөлж 49 хувиа худалдаж авахаас татгалзах шийдвэр гаргасан хүмүүсийн үйлдлийг болон хувьцааны худалдаа хуулийн дагуу явагдсан эсэхийг шалгах, УИХ-ын төвшинд ахин ярилцах зэрэг манай намын бүлэг дээр янз бүрийн санаа оноо гарган нухацтай хэлэлцэж байгаа. Эцсийн бүлэгт МАН хамгийн зөв хувилбараар шийднэ. Хувьчлалын явцыг шалгадаг газар нь шалгаж, хууль бус болсон үгүйг тогтооно. 49 хувийг худалдаж авсан талтай Засгийн газар ярилцана, гэхдээ дээрэм хийхгүй. Монголын төр хувийн хэвшилд дээрэмчин аятай хандаж болохгүй” гэснээрээ хугалж орхилоо. Түүний үгнээс хэдэн зүйл ажиглагдаж байна.

- Буцаан авах ажиллагаа хэдэн жил ч үргэлжилж болно. Ард түмэн алдсан хувиа буцааж авахаар боллоо гэсэн шийдэлд сэтгэл нь ханан нэг хэсэгтээ хууртагдана гэдгийг эрх баригчид тооцоолсон. Энэ хооронд одоогийн эздэд нь гаргасан мөнгийг нь Эрдэнэтийн орлогоос буцаагаад өгчих ч боломж цаг хугацаа хангалттай гарна.

- Дээрэм хийхгүй гэсэн нь “учиртай”. Гэтэл 49 хувийг авсан нөхөд соёлтойгоор дээрэмдээд авчихсан. Алдсан аргаараа буцааж авах гэж дайрч болохгүй нь үнэн ч төр хурдан шуурхай шийдмэг ажиллах ёстой. Харин төрийн албадлагийг ашиглахгүй гэдэг нь тодорхой боллоо.

- Нэгэнт төр албадахгүй нь илт болсон тул өдгөө тоглоом шинэ дүрмээр шинэ хүмүүстэй өрнөнө. Ширээний цаана өмнө нь хасагдсан хүмүүсийн төлөөлөл ирж суух юм байна.

- Ерөнхий сайд эхлээд МАН-ын бүлэг дээр ярина гэдгийг онцоллоо. Энэ нь тус намаас тодорхой бүлэг уг асуудалд оролцсоныг шууд бус утгаар нотолж байна. Эхлээд тэдэнтэйгээ ярилцах буюу хэрхэн хохиролгүй болгох асуудлыг шийдэх бололтой.

НУУЦ.мн

Сүүлд нэмэгдсэн мэдээ

46 минут

Энэ сарын 15-наас эхэлж тээврийн хэрэгслийн улсын дугаарын тэгш, сондгой ангиллаар хөдөлгөөнд оролцоно

47 минут

Монгол Улсын эмэгтэй шигшээ баг Азийн наадам-д оролцохоор бэлтгэлээ хангаж байна

1 цаг

Монгол Улсын эрэгтэй шигшээ баг Япон Улсыг зорилоо

1 цаг

Нэгдүгээр хорооллын арын замыг өнөөдөр орой 23:00 цагаас түр хааж, борооны ус зайлуулах шугамын хөндлөн сэтэлгээ хийнэ

2 цаг

“Сэлбэ хот” төслийн нийт гүйцэтгэл 37 орчим хувьтай үргэлжилж байна

2 цаг

Татварын өртэй шатахуун импортлогч аан-үүдийн дансыг битүүмжлэхгүй

2 цаг

Өвөлжилтийн бэлтгэл ажлын хүрээнд Шадар сайд Н.Номтойбаяр Дорноговь аймагт ажиллав