ДЭЛХИЙН БӨХИЙН ХОЛБОО:ЯАРАН АЛХАЛТ ХИЙСНЭЭР ЯЛАЛТ НӨГӨӨ ТАЛД

“РИО 2016” ОЛИМПТ ЧӨЛӨӨТ БӨХИЙН ЭРЭГТЭЙЧҮҮДИЙН 65 КГ-ИЙН ЖИНД БАРИЛДСАН МОНГОЛ УЛСЫН ГАВЬЯАТ ТАМИРЧИН Г.МАНДАХНАРАН ХҮРЭЛ МЕДАЛИЙН ТӨЛӨӨ УЗБЕКИСТАНЫ БӨХ ИХТИЁР НАВРУЗОВТОЙ БАРИЛДАЖ ЯЛАГДСАН БИЛЭЭ. ЭНЭ ТЭМЦЭЭНИЙ ШҮҮЛТИЙН ТАЛААР ШҮҮМЖЛЭЛ ЗӨВХӨН МОНГОЛ ТӨДИЙГҮЙ ГАДААДЫГ ХЭВЛЭЛҮҮДЭЭР ШУУГИЖ БАЙНА. ТИЙМЭЭС ТУС БАРИЛДААНЫ ТАЛААР ДЭЛХИЙН БӨХИЙН ХОЛБООНЫ ХУУДАСТ МЭДЭЭЛЭЛ ГАРГАЖЭЭ.

ҮҮНД:

 ЧӨЛӨӨТ БӨХИЙН ЭРЭГТЭЙЧҮҮДИЙН 65 КГ-ИЙН ЖИНД ХҮРЭЛ МЕДАЛИЙН ТӨЛӨӨ МОНГОЛ УЛСЫН ТАМИРЧИН Г.МАНДАХНАРАН БОЛОН УЗБЕКИСТАНЫ БӨХ ИХТИЁР НАВРУЗОВ НАР БАРИЛДАЖ Г.МАНДАХНАРАН ЯЛАЛТАД ОЙРХОН БАЙСАН БОЛОВЧ, ТЭМЦЭЭН ДУУСАХААС 18 СЕКУНДЫН ӨМНӨ ШИЙДВЭРЛЭХ МӨЧИД ТЭРЭЭР ЯАРАН АЛХАЛТ ХИЙСНЭЭР ЯЛАЛТ НӨГӨӨ ТАЛД ЭРГЭЖ УЗБЕКИСТАНЫ БӨХ ИХТИЁР НАВРУЗОВ ХҮРЭЛ МЕДАЛИЙН ЭЗЭН БОЛСОН ЮМ ГЭЖЭЭ. 

Энэ барилдааны шүүлтийг спортын олон үзэгч луйвар хэмээн үзэж байгаагаа илэрхийлсээр байгаа ба Узбекистаны бөх Ихтиёр Наврузов өмнөх барилдаанаа мөн луйвардсан хэмээн олон улсын зарим хэвлэлд мэдээллэж байна. Тодруулбал, Узбекистаны бөх шөвгийн наймд үлдэх тэмцээнд Пуэрто Рикогийн бөхтэй учраа таарсан ба шүүгчид Узбекийн бөхөд ялалтыг өгчээ. Шүүгчдийн дүнг сонссон Пуэрто Рикогийн тамирчин өмсгөлөө дэвжээ рүү шидэж эсэргүүцлээ илэрхийлсэн байна.