Г.Өсөхбаярын дүү Г.Батбаяр МХЕГ-т газрын дарга болох уу

Гэрэл зургийг https://twitter.com/Munkhbat_UNEN хаягаас ашиглав

Үндэсний бөхийн дархан аварга Г.Өсөхбаярын төрсөн дүү улсын начин Г.Батбаярыг Мэргэжлийн хяналтын ерөнхий газарт Уул уурхай хариуцсан газрын дарга болгохоор Засгийн газрын хэрэг эрхлэх газрын дарга Ж.Мөнхбат зүтгүүлж байгаа гэсэн мэдээлэл байна. Энэ талаар бид тодруулахад Г.Батбаярыг өнгөрсөн долоо хоногт УИХ-ын гишүүн, хуучин МХЕГ-ын дарга асан н.Раднаасэд дагуулан ирж МХЕГ-ын даргын үүрэг гүйцэтгэгчтэй уулзуулаад гарсан тухай эх сурвалж мэдээллэсэн юм.

Харин саяхан УИХ-ын гишүүн Ц.Нямдорж үндэсний бөхийн аварга С.Мөнхбатыг Тавантолгойн гүйцэтгэх захирал болгохоор хөөцөлдөж байгаа тухай зарим хэвлэлд гарах болсон билээ. Энэ бүгдийн цаана төрийн эрх авсан МАН-ын томилгоо мэргэжлийн гэхээсээ илүүтэй нутаг ус, хамаатан садны томилгоо болж байгаа тодорхой байна.