Цалин нэмэхийг сануулав

Монголын үйлдвэрчний эвлэлүүдийн холбооноос өнөөдөр мэдээлэл хийж цалин нэмэхийг шаардлаа. Долларын ханшийн өсөлттэй холбоотой бараа бүтээгдэхүүний үнэ өсч, иргэдийн худалдан авах чадвар буурч байгаа тул цалин хөлс, тэтгэвэр тэтгэмжийг 40 хувиар нэмэхийг шаардлаа.

Тодруулбал, ээлжит бус чуулганаар Дунд хугацааны төсвийн хүрээний мэдэгдлийг хэлэлцэхдээ иргэдийн нийгмийн хамгаалал, цалин хөлс, тэтгэвэр, тэтгэмжийг нэмэгдүүлэх замаар ядуурал, орлогын хомсдолыг арилгахад чиглэсэн бодлого баримтлах, цалин хөлс, тэтгэвэр тэтгэмжийг 40-өөс доошгүй хувиар нэмэгдүүлэх зэрэг асуудлыг шийдвэрлэхийг шаарджээ.