Цэцэг, Алдармаа нар “Хөөрхөн шулам”-ууд уу?

Масс дунд “Турдаг” Б.Цэцэг, “шалцалдаг” Ц.Алдармаа гэх нэрийг зүүх болсон ганц бие ээжүүд нэгдэж уран бүтээл дээр хамтарч ажиллаж байна гэсэн мэдээлэл цацагдаж байсныг санаж буй биз. Бүр тодруулбал “Хөөрхөн шулам” нэртэй бүрэн хэмжээний уран сайхны кинонд тэд хамтдаа тоглож өчигдөр нээлтээ хийжээ.

Тэд уран бүтээлийн төдийгүй амьдралын найзууд болсноо цахим хуудаснаа нийтэлсэн байна. Цэцэгийн хувьд ганц бие ээжийн амьдралдаа цэг тавьж хүүхдийнхээ аавтай эргэж нийлэн аз жаргалд умбаж яваа бол, Алдармаагийн хувьд уран бүтээлийнхээ ажилд ханцуй шамлан орж өнгөрсөн цаг хугацаагаа нөхөхөөр шийдсэн аж. Ийнхүү “Хөөрхөн шулам”-ын дүрд хувирсан үзэсгэлэнтэй хоёр бүсгүйтэй өдөр бүр кино театр очин уулзаж болох нь ээ. 

В.Баяраа