Аварга Н.Түвшинбаярын азжаргалтай гэр бүл

Аварга уг нь олимпийнхоо бэлтгэлийг хийгээд л ажин түжин амьдарсан бол гэж харах хүн цөөнгүй байлаа. Учир нь тэрбээр Женко Баттулгын ээлжит утсан хүүхэлдэйгээр тодорч Баянхонгор аймагт нэр дэвших болсон тухайгаа нэг л өдөр өөрийн цахим хуудаснаа нийтэлсэн. Үүнийг  эерэгээр хүлээн авах нэгэн байхад яг дээрх шиг олимпийн жил байхад бэлтгэлээ базаах нь ч яав даа хэмээн халаглах нэгэн байсан юм. 

Женко баригдах, баривчлах дээрээ тулан оффисоо хүртэл нэгжүүлэн дуулиан шуугианы эзэн явах үедээ намдаа Баянхонгороос гурван суудал авч ирнэ гэж ам гарсан гэдэг. Гэвч Х.Баттулгын санаснаар болоогүй. Аварга дүү нь өвдөг шороодож, анд Ганбат нь ч сураггүй, өөрөө ч давж заалдах шүүх хурал гээд амьсгаа дээгүүр яваа. Гэхдээ олны хайр хүндэтгэлийг хүлээсэн Н.Түвшинбаяр аварга хайртай гэр бүлийнхэнтэйгээ аз жаргалтай явна. Сонгууль бол сонгууль, олимп бол олимп. Аварга аваргаараа л үлддэг хорвоо хойно. Тэдний гэр бүлд аз жаргал хүсье. 

В.Баяраа