ГИГГЗ 29 ЖИЛИЙН ДАРАА “ЮНАЙТЕД”-ЫГ ОРХИЖ БАЙНА

“Манчестер Юнайтед”-ын домгуудын нэг Райан Гиггз 29 жилийн турш клубтээ ажилласны дараагаар явахаар болж буй бололтой. 42 настай уэльс эр Жозе Моуриньотой хамтран ажиллахгүйгээр шийдсэн байна. Гиггз ойрын хугацаанд ITV-д экспертээр ажиллах бөгөөд цаашид дасгалжуулагч хийх бодолтой байгаа ажээ. 
Гиггзийг 14 нас хүрдэг өдөр Сэр Алекс Фергюсон өөрөө очиж, өсвөрийн хөлбөмбөгчийн хоёр жилийн гэрээ хийсэн түүхтэй. Түүнээс хойш “Улаан чөтгөрүүд”-д үнэнчээр зүтгэсээр ирсэн билээ.