Эгч дүүс УИХ-ын гишүүд боллоо

Энэ удаагийн сонгуулын үр дүнгээс хамгийн сонирхолтой мэдээ бол эгч дүүс нэг танхимд суух боллоо. Тодруулбал УИХ-ын гишүүн Б.Наранхүү Дундговь аймгийн 16-р тойрогт Ардчилсан намаас, харин түүний эгч Б.Саранчимэг Монгол Ардын Намаас Баянзүрх дүүргийн 51-р хороонд нэр дэвшин ялалт байгуулсан байна. 

Б.Наранхүүгийн хувьд тойрогтоо МАН-ын Б.Амарсанаа, МАХН-ын О.Ганбат зэрэг зургаан гишүүнтэй өрсөлдсөн бөгөөд 6559 хүний санал авснаар ялалт байгууллаа.

Харин түүний эгч Б.Саранчимэг Батлан хамгаалахын сайд асан Ц.Цолмон, АН-ын Р.Булгамаа, Ард түмнээ хайрлая намын дарга Л.Гүндалайн нарын арван нэр дэвшигчтэй өрсөлдөв. Тэрээр тойргийн сонгогчдоосоо 8660 санал авч, УИХ-д сонгогдож байна.

Төрийн албыг төрлийн алба болгохгүй байх тал дээр хоёр гишүүн маань хамтарч ажилаасай хэмээн хүсч байна. Та хоёртоо амжилт хүсэе.

Б.БАТ