Гавъяат дуучин С.Жавхлан УИХ-ийн гишүүн боллоо

2016 оны УИХ-ийн энэ удаагийн ээлжит сонгуулиар МУГЖ ард түмний хайртай хүү С.Жавхлан УИХ-ийн гишүүн боллоо.Тэрбээр Баянзүрх дүүргийн 54-р тойрогт бие даан нэр дэвшиж өрсөлдөж урьд хожид гарч байгаагүй шинэ содон Пи-Ар ашиглаж сурталчилгаагаа хийсний үр дүн өчигдөр ёстой нэг гарсан шиг гарлаа Жавхланд Пи-Ар хэрэггүй Жавхлан хол тасархай ялалт байгуулна хэмээн Монголын ард түмэн хоорондоо ярилцаж байснаар тэрбээр 54-р тойргоос 10723 санал авч өрсөлдөгч нараасаа хол тасархай ялалт байгууллаа. 

Түүний дараагаар П.Анужин 6421 санал авчээ.Тэрээр МАН-ын П.Анужин, АН-ийн Д.Арвин, МАХН-ийн Ц.Төмөрбаатар нарын нэр дэвшигчидтэй өрсөлдсөн юм.Гавьяат дуучин, шинэ гишүүн С.Жавхландаа ирэх дөрвөн жилд нь амжилт хүсэе ард түмнийхээ итгэлийг алдалгүй ажиллаарай хэмээн ерөөе.

Б.БАТ