Б.Батбаяр: Нэг ширхэг хувьцааг 933 төгрөгөөр үнэлсэн

Засгийн газрын зүгээс иргэдийн 1072 хувьцааны 30 хувийг худалдан авах ажлыг ирэх долоо хоногоос эхлүүлэхээр болсон. Үүнтэй холбогдуулан “Сайн хувьцаа” төслийг боловсруулан ажлын хэсгийн ахлагч,  УИХ-ын гишүүн Н.Батбаяр мэдээлэл хийлээ.

Мэдээллийн эхэнд УИХ-ын гишүүн Б.Батбаяр “Засгийн газраас нэг ширхэг хувьцааны үнийг 933 төгрөгөөр үнэлсэн. Эхний ээлжинд  30 хувь буюу 322 ширхэг хувьцааг 300 мянган төгрөгөөр худалдан авна. Засгийн газар “Эрдэнэс-Тавантолгой” дахь хувьцаагаа нэмэгдүүлэх зорилгогоор дотоодын бонд гаргаж санхүүжүүлнэ. Эргээд үүнийг “Эрдэнэс-Тавантолгой” төслийг амжилттай хэрэгжүүлээд олох ашиг орлогоосоо төлнө. Төсвөөс нэг ч төгрөг гарахгүй” хэмээн онцолсон юм.

Иргэдийн хувьд хувьцаагаа  засгийн газарт зарсан хойноо үнэнд орсон үед нь анхны нэрлэсэн үнээр нь худалдан авах  эрх нээлттэй байгааг тодотгосон юм. Ирэх даваа гаригаас  арилжааны банкууд иргэдийн хувьцаа худалдан авах  хүсэлтийг хүлээж авч эхлэх бөгөөд Монгол банк, НХҮЕГ хамтран тулгалт явуулснаар долоо хоногийн дараа нэрийн дансанд нь байршуулахаар ажиллах аж. 

Эх сурвалж : Medee.mn