Төрсөн эхийгээ хөнөөсөн охинд 18 жилийн хорих ял оноолоо

Арван сар тээж төрүүлсэн ээжийгээ “архи уулаа” гэсэн шалтгаанаар амийг нь хохироосон харамсалтай хэрэг өнгөрсөн намар Чингэлтэй дүүргийн нутаг дэвсгэрт гарсан билээ.

Тодруулбал, 18 настай Б нь 2015 оны 10 дугаар сарын 30-ны өдөр Чингэлтэй дүүргийн нутаг дэвсгэрт байрлах өөрийн гэртээ төрсөн эх 54 настай А-г хайчаар 45 удаа хатган, онц харгис хэрцгий аргаар алсан хэрэгт Чингэлтэй дүүргийн прокурорын газраас яллах дүгнэлт үйлдэж шүүхэд шилжүүлсэн. Баянзүрх, Сүхбаатар, Чингэлтэй дүүргийн анхан шатны шүүх хянан хэлэлцээд, Б-г онц харгис хэрцгий аргаар хүнийг санаатай алсан гэмт хэрэг үйлдсэн гэм буруутайд тооцож, Монгол Улсын Эрүүгийн хуулийн 91 дүгээр зүйлийн 91.2.12-т зааснаар 18 жилийн хугацаагаар хорих ялаар шийтгэж, ялыг чанга дэглэмтэй эмэгтэйчүүдийн хорих ангид эдлүүлэхээр шийдвэрлэлээ.

ЭХ СУРВАЛЖ: ZALUU.COM