НӨАТ-ын сугалааны супер азтан урьдаас төлөвлөгдсөн байдаг уу
Admin
2016/05/18
Төр нь иргэнээ хулхиддаг бүр ял тулгадаг тогтолцоо манай нийгэмд ил цагаандаа гарчээ. Тодруулбал НӨАТ-ын 400 сая төгрөг хожсоноо баталгаажуулан ГТЕГ-т хандсан иргэн А.Цэенпилийг цагдаагийн байгууллагаас хуурамч бичиг баримт үйлдсэн байж болзошгүй хэмээн байцаалт авч эхэлсэн гэнэ. Үүсээд буй нөхцөл байдлын талаар иргэн. А.Цэенпил eagle.mn сайтад тодруулга өгчээ.
Тэрбээр "Өнөөдөр намайг ГТЕГ-аас сугалааны баримттай холбоотойгоор ирж уулзана уу гэсэн. Би тэнд эгчтэйгээ очсон. Гэтэл хоёр цагдаа намайг Эрүүгийн цагдаагийн газар руу дагуулаад явсан. “Танаас тодруулах зүйл байна” хэмээн Эрүүгийн цагдаагийн газрын Эдийн засгийн гэмт хэрэгтэй тэмцэх хэлтэст аваачин байцаалт авсан. Тэгэхдээ хоёр танихгүй хүний нэр хэлээд “Эдгээр хүмүүстэй ямар холбоотой вэ” хэмээн тулгаад таныг 2.5 жил хорино гэсэн. Өмнө нь ГТЕГ-аас надад хэлж мэдэгдэлгүйгээр хэвлэлийн хурал зарлаж “Намайг хуурамчаар баримт үйлдсэн” хэмээн олон нийтэд зарласан. Азтан боллоо хэмээн баярлаж байсан намайг хуурамч баримт үйлдсэн болгож олон нийтийн өмнө нэр төрийг минь гутаасан.
Одоо бүр шийтгэнэ гэж байна. Надад үнэхээр хэцүү байна. Уг нь би энэ тохирлыг үнэн зөв явагддаг хэмээн итгэж байсан. Супер сугалааны баримт гэх дөрвөлжин цааснаас болоод амьдрал маань сүйрлийн ирмэгт ирчихлээ" гэжээ. Энэ байдлаас харахад НӨАТ-ын сугалаа гэх сүржин нэртэй зүйлийн супер азтан нь урьдаас төлөвлөгдсөн байдаг уу гэх хардлагыг төрүүлж байгаа юм. Иргэдийнхээ сэтгэл зүйгээр “нааддаг”, энэ мэт шударга бус төрийн тогтолцооноос хэзээ ангижрахыг хэн мэдэх вэ, та минь ээ.
Э.Нашка
Сүүлд нэмэгдсэн мэдээ
7 цаг
Гол нэрийн зарим барааны үнэ өмнөх сараас 5.9, өмнөх 7 хоногоос 0.7 хувиар нэмэгджээ
8 цаг
Л.Хосбаяр: Нийслэлийн Архивын газар архивын зориулалтын байргүй учир хүндрэлтэй нөхцөлд үйл ажиллагаа явуулж ирсэн
8 цаг
32-ын тойрог орчимд ахуйн үйлчилгээний шинэ төв байгуулах ажлын явц 80 хувьтай байна
8 цаг
ЦЕГ: 3 тэрбумын үнэлгээтэй 15 төрлийн мансууруулах эм, сэтгэцэд нөлөөт бодисыг илрүүлсэн
8 цаг
Д.Тогтохсүрэнг албан тушаалаа урвуулан ашигласан, үндэслэлгүй хөрөнгөжсөн гэх үндэслэлээр 48 цаг саатуулжээ
8 цаг
Лаг шатаах үйлдвэр төслийн саналд урьдчилсан үнэлгээ хийгдэж байна
8 цаг
Мөсөн дээгүүр тээвэр хийх нөхцөл бүрдээгүй байна