Эр хүн зүрхэндээ уйлахаа больсон дог шүү

Уг нь манайхан эр хүн зүрхэндээ уйлдаг гэлцэх нь бий. Харин сүүлийн үед юун зүрх. Ил цагаандаа гарах нь энүүхэнд болсон. Тэр давалгааг МАХН-ын дэд дарга Э.Эрдэнэжамьян сурамгай гэгч нь гүйцэтгэдэг гэхэд болно. Учир нь саяхны нэг өдөр хэвлэлийн хурал зарлах үеэрээ намын даргаа өмөөрч уйлсныхаа төлөө дэд даргын албан тушаалаар шагнуулсан тэрбээр өчигдөр өөрийн цахим хуудаснаа “ Сонгуульд МАХН-ыг оролцуулдаггүй явдал дахин давтагдвал жинхнээсээ тэмцлийн хурц хэлбэрийг сонгоно шүү. Төрийн албанд байгаа нөхөд мэдтүгэй” гэжээ.

Түүний энэ мэдэгдлийг харсан зарим нэг нь “бүр чангаар уйлж сенсаацийн эзэн болох гээ юу” хэмээн даапаалж байх нь тэр. Ямартай ч сонгууль юу юугүй хаяанд ирсэн энэ өдрүүдэд улаан цээжээрээ намаа хамгаалж, намын даргаа өмөөрдөг Э.Эрдэнэжамьян долоон уулын цаадахыг харчихсан учраас л ийм зоригтой бас сүржин үйлдлүүдийн эзнээр тодрохоос ичдэггүй бас эмээдэггүй биз.

Э.Нашка