Эр хүн туг ч барина, тугал ч хариулна гэж энэ дээ

Энэ эрхмийг харсан хүмүүс “Хүүш ээ нөгөө Женкогийн Б.Батзаяа мөн үү хэмээн ойр зуураа шивэр авир хийлдэж байсан юм. Женкогийн бие хамгаалагчаас баруун гар болтол нь итгэлийг нь олсон тэрбээр ЗТЯ-ны Төрийн нарийн бичгийн албыг хашиж явсан сүйхээтэй нэгэн. Гэвч  эр хүн туг ч барина тугал ч хариулна гэдэг шиг нэг л өдөр гэрээсээ баривчлагдсан тэрбээр хэсэгтээ л хэвлэлийн баатар болсон. Баривчлагдах үеэр нь түүнийг ар тал сайтай юм чинь тун удахгүй суллагдана даа гэж байсан ч үнэн болж 14 хоног дуулиан шуугианы эзнээр тодроод хэрэг намжсан гэхэд болно. 

Түүний хэргийг эргэн сануулахад Эрүүгийн цагдаагийн газрын Эдийн засгийн гэмт хэрэгтэй тэмцэх хэлтсээс Эрүүгийн хуульд заасан бусдын онц их хэмжээний хөрөнгийг залилан мэхэлж авсан, мөнгө угаасан гэх үндэслэлээр цагдан хориод байсан юм. Харин тэрбээр саяхан JCI-ийн 25-н жилийн ойн арга хэмжээний үеэр эрвээхий зангиагаар гоён, ихэд ажил хэрэгч байдлаар хүрэлцэн ирсэн нь энэ. 

Э.Нашка