Наадмын нээлт Н.Наранбаатараас хамаарна

Төрийн их баяр наадмын нээлт хаалтын ёслолын ажиллагааг УДЭТ-ын найруулагч, Төрийн соёрхолт Н.Наранбаатар найруулан тавихаар болжээ. Наадмын нээлт, хаалтын найруулагчийг нээлттэй сонгон шалгаруулсан аж. Жил бүрийн наадмын нээлт, хаалтын үйл ажиллагаа хэл ам дагуулж онцгүй, зохиомж нь ядмаг, орчин үелэг болгох гээд хэтэрхий ядчихсан зэрэг шүүмжлэлүүдийг их дагуулдаг.

Харин энэ жилийн наадмын нээлт хаалтын үйл ажиллагааг хэрхэн зохион байгуулах нь театрын гэлтгүй монголын урдаа барьдаг Н.Наранбаатар найруулагчаас шалтгаалах болжээ. Сонирхуулахад сүүлийн хоёр жил Төрийн соёрхолт Д.Сосорбарам наадмын нээлтийг найруулан тавьж байсан билээ.