С.Төгс: Ээж маань Улаанбаатар хотын “парламентад” бие даан нэр дэвшиж байна

С.Төгсийн ээж улс төр судлаач, доктор А.Саруул Сүхбаатар дүүргээс Нийслэлийн ИТХ-д бие даан нэр дэвшихээр болжээ.  Гэхдээ 2016 оны НИТХ-ын нэр дэвшигчидийн нэрсийг маргааш олон нийтэд танилцуулах юм.

А.Саруул бол Эрдэнэбатхааны ач охин. Түүний аав Эрдэнэбатхааны отгон хүү, Ардын жүжигчин, төрийн шагналт нэрт зохиолч, орчуулагч Э.Оюуны дүү Э.Агваандорж Орост цахилгааны инженер мэргэжлээр сурч ирээд тухай үеийн Гэрлийн хороонд ажилд орж, нэгэнтээ III цахилгаан станцын даргаар олон жил ажиллаж байжээ. Харин өвөг эцэг Эрдэнэбатхаан нь 1925 оны үед гэгээрлийн яамны сайд байхдаа Герман, Франц улсад Д.Нацагдорж нарын 30 гаруй оюутан сурагчдыг явуулж сургасан түүхэн буянтай сэхээтэн байсан. Даанч үүнийхээ төлөө тухайн үед Оросоос бусад улс оронтой холбоо тогтоосон "Баруунтан" хэмээгдэж хэлмэгдэн цаазлагдсан гэдэг юм билээ.  

PHOTONEWS.MN