Сонгодог урлагийг сонгохоос өөр аргагүй эрхэм

Монголын хөгжмийн урлагийн ноён оргилуудын нэг Төрийн соёрхолт хөгжмийн зохиолч Н.Жанцанноровын ая эгшгийг сонсоогүй хүн гэж бараг үгүй. Тэрээр Монголынхоо ард түмэнд 500 гаруй гайхамшигт уран бүтээлээрээ бэлэг барьсан энэ цагийн эгэлгүй баатруудын нэг мөнөөсөө мөн.

Харин түүний үргэлжлэл болсон хүүхдүүдийнх нь нэг Ж.Дамдинцэрэн Токиогийн их сургуульд хөгжмийн чиглэлээр суралцаж ирсэн түүнийг загвар өмсөгч гэдгээр бид илүүтэй таньдаг. Тэрээр аргагүй л авьяаслаг аавын хүү гэсэндээ загварын тайзыг биш сонгодог урлагийг сонгосон. Тэрээр хэд хэдэн сонгомол хөгжмийн тоглолт хийж, Монголын сор болсон бүтээлүүдийг тайзнаа амилуулаад амжсан сүйхээтэй залуу.