“МАН-ынхныг гуйж байна”

УИХ-ын өнөөдрийн чуулганы нэгдсэн хуралдаан 9.00 цагаас эхлэх ёстой байсан ч ирц хүрээгүйгээс үдээс хойш болгон хойшлууллаа. Үдээс өмнөх хуралдаанаар  Шүүх байгуулах тухай хуульд өөрчлөлт оруулах тухай болон холбогдох бусад хуулийн төслүүд,  Эрүүгийн хэрэг хянан шийдвэрлэх тухай хуулийн шинэчилсэн найруулга, Эрүүгийн хуулийг дагаж мөрдөх журмын тухай хуулийн төсөл, Хууль сахиулах ажиллагааны тухай болон холбогдох бусад хуулийн төслүүдийг хэлэлцэх ёстой байсан юм.

Ирцээ бүрдүүлэхийн УИХ-ын дарга З.Энхболд болон Р.Гончигдорж нар МАН-ын бүлгийн даргаас хүссэн ч тус бүлэг хуралдаа оролцсонгүй. УИХ-ын дэд дарга Р.Гончигдорж “МАН-ынхныг гуйж байна” гэсэн ч амжилт олоогүй учраас  чуулганы үдээс өмнөх хуралдааныг завсарлуулж, үдээс хойш Засгийн газраас малчдын талаар авсан арга хэмжээ болон малчны зээлийн хүүг бууруулж байгаа ажлын талаар Ерөнхий сайдын мэдээллийг сонссоны дараа үргэлжлүүлэн хуралдахаар болов.