Эрүүгийн ертөнцийн нөлөө бүхий этгээдийг баривчиллаа

Өнгөрөгч шөнө буюу 5-р сарын 9-10-нд шилжих шөнө Эрүүгийн цагдаагийн газрын Хар тамхитай тэмцэх тасгийнхан хэргийн сэжигтэнг хойшлуулшгүй ажиллагаа явуулж баривчилжээ. Тодруулбал, Нийслэлийн Баянгол дүүргийн дөрөвдүгээр хороо 69-р байранд амьдрах 40 гаруй насны эрэгтэйг зохион байгуулалттай гэмт хэргийн сэжигтнээр татан гэрээс нь баривчилсан байна.

Цагдаа нар тус байранд шөнийн 02:00 цагаас өглөөний 09:00 цаг хүртэл ажиллагаа явуулж, ойр орчимд хөл хорио тогтоожээ. Үйл явдлын гэрчийн мэдээллэснээр хэргийн газраас эд мөрийн баримтаар сейф авч явсан гэжээ. Одоогоор хэргийг Эрүүгийн цагдаагийн газрын Хар тамхитай тэмцэх хэлтэст шалгаж эхэлжээ. Баттай эх сурважлийн мэдээллэснээр, баривчлагдсан этгээд нь гэмт хэргийн ертөнцийн нөлөө бүхий этгээд байсан бөгөөд уг эрэгтэйтэй хамт өөр нэг хэрэгтэнг баривчилсан гэлээ.