Маралжингоо үзэгчидтэй телевизийн шоугаар уулзана

Дуучин Маралжингоо уран бүтээлээсээ завсарлага аваад багагүй хугацаа өнгөрч байгаа билээ. Хаа нэг тоглолт дээр ая дуугаа өргөхийг эс тооцвол бараг л нам жимхэн байх болсон.

Тэгвэл тэрээр энэ удаад өөрийгөө үзэгчдэд олон өнцгөөс толилуулахаар сэтгэл шулуудсан байна. Тодруулбал тэрээр “Боловсрол суваг” телевизээр үзэгчдийн хүртээл болох “Яг түүн шиг” шоунд өрсөлдөхөд бэлэн болжээ. Маралжингоо чухам хэний дүрд хувиран яг түүн шиг болохыг ирэх ням гарагаас эхлэн үзэж болох нь ээ.