Авьяаслаг “холбогч” Шагай

Монголын кино урлагт өөрийн гэсэн орон зай, дүр төрхийг хэдийнээ бүрдүүлж чадсан залуу жүжигчдийн нэг бол жүжигчин Ж.Алтаншагай буюу Шагай юм. Тэрээр саяхан нээлтээ хийсэн “Биелэгдэшгүй төлөвлөгөө” киноны нээлтийн арга хэмжээг хөтлөн авьяаслаг холбогч гэдгээ хэн хүнд гайхуулан байсан юм.Тэрээр ч аливаа арга хэмжээг хөтлөх гэж утгаар нь үзүүлдэг учраас Шагайг хурим найрын урилга дардаг гэсэн шүү.

Мөн тэрээр киноны нээлтийн үеэр хүүхэд багачуудын хувьд хамгийн эрэлттэй жүжигчин байлаа. Түүний гарын үсгийг аван хамтдаа гэрэл зургаа татуулахыг хүссэн тэдэнд найр тавин байсан тэрээр ийнхүү манай дуранд өртсөн юм.Авьяаслаг, адтай, эрч хүчтэй залуусын нэгдэл "Фантастик Продакшн”-ыг Шагай үүсгэсэн гэдэг юм билээ. Тэд залуу хүний эрч хүчээр уран бүтээлийг ар араас нь бөмбөгдөн байгаа бөгөөд хамгийн сүүлд л гэхэд тэдний дэлгэцнээ гарган үзэгчдийн байлдан дагуулж байсан “Миний ах атаман” кино нь хойд хөршийн үзэгчдэд хүрч эхэлсэн билээ.