“Нью свийт фүүдс”-ийн эклерэнд 45 хүн хорджээ

“Нью свийт фүүдс” ХХК-ийн эклерийг худалдан авахгүй байхыг Мэргэжлийн хяналтын газраас анхаарууллаа. Учир нь тус эклерийг идсэн 45 хүн хоолны хордлого гэсэн оноштойгоор ХӨСҮТ оношлогдож, 27 хүн хэвтэн эмчлүүлж байна.

Тиймээс Нийслэлийн Мэргэжлийн хяналтын газраас тус компанийн үйлдвэрлэлийн үйл ажиллагааг зогсоож, эрүүл ахуйн тандалт судалгаа хийсэн байна. Мөн хүнсний сүлжээнд нийлүүлэгдсэн эклерийг яаралтай татан авах ажил хийгдсэн бөгөөд одоогийн байдлаар нийт 154 ширхэг бүтээгдэхүүнийг хураан аваад байна.