МАН МАХН-тай эвсэхгүй

МАХН-ын зүгээс МАН-тай эвсэх санамж бичигт гарын үсэг зурсанаасаа хойш хоёр ч зүйл дээр нэмэлт өөрчлөлт оруулахыг хүссэн билээ. Тодруулбал, МАХН-ынхан орон нутгийн сонгуульд оролцохдоо ИТХ-д авсан суудлын тоо саналын тоо харгалзана гэдгийг 2012 оны УИХ-д авсан саналын тоог харгалзаж үзнэ гэж өөрчлөхийг хүссэн байна. Тиймээс МАН МАХН-ын ажлын хэсэгт санамж бичигт оруулах саналаа буцааж авах, санамж бичигт оруулах саналаа олон салаа утгагүйгээр, цаг хугацаа идэхгүйгээр эцсийн хариугаа өгөхийг шаардаж буйгаа илэрхийлсэн юм.

Тэгвэл өчигдөр МАН-ын Удирдах зөвлөлийн хуралдаанаас 2016 оны сонгуульд ямар нэгэн нам эвсэлтэй эвсэхгүй дангаараа оролцох  шийдвэр гаргажээ. Дашрамд дурдахад, МАХН-ын Дэд дарга Ж.Эрдэнэжамъяан “МАН шууд эвсэхгүй гэж мэдэгдээгүй байх. Харин бидний санал болгосон 25 тойргийн асуудал болон тавьсан нөхцөл хатуу байгааг илэрхийлсэн байх гэж бодож байна” гэсэн юм.