Хэрээс хэтэрсэн баривчилгааны гэрч болох гэсэн эрхэм

УИХ-ын гишүүн, Өргөдлийн байнгын хорооны дарга Ж.Батзандан өнгөрсөн долоо хоногт “Баянгол” зочид буудал дээр баривчилгааны сургаар гүйх нь холгүй ирсэн.Тэрбээр энэ үеэрээ "Өргөдлийн байнгын хороонд УИХ-ын гишүүн Х.Баттулгын албан өрөөнд хууль бусаар нэгжлэг хийж байна гэсэн мэдээлэл ирсэн.

Хууль хяналтынхан нэгжлэгийг яаж хийдэг, хүний эрхийг дээдэлж байна уу, зөрчиж байна уу гэдгийг нүдээрээ харахаар ирлээ. Цагдаагийн мөрдөн шалгах ажиллагаа, баривчилгаа сүүлийн үед хэрээс хэтэрч байна. Өдөр болгон нэг баривчилгаа хийдэг болсон.  Монгол орон бол ардчилсан орон. Аливаа хэргийг мөрдөн шалгах ажиллагаа хуулийн дагуу, хүний эрхийг дээдлэх зарчмын хүрээнд явах ёстой. Тиймээс би Өргөдлийн байнгын хорооны даргын хувьд нөхцөл байдалтай газар дээр нь танилцахын тулд хүрэлцэн ирээд байна" гэсэн мэдээллийг сэтгүүлчдэд өгч байлаа.