Нара улаанбурханы асуудлаар яаманд нь албан бичиг хүргэнэ

Дуучин Нара буюу М.Нарантуяа ирэх зургаадугаар сард УИХ-ын сонгуульд нэр дэвшихээр хэдийнээ бэлтгэлээ базааж байгаа билээ. Тэгвэл тэрээр өнөөдөр өөрийн фейсбүүк хуудсаараа дамжуулан нэгэн мэдээдэд хийлээ. Тэрээр олон гэр бүлийг хагацуулан газар аван хүрээгээ тэлсээр байгаа улаанбурхан өвчний талаар харъяа яаманд нь хандахаар болжээ. 

Тэрээр “Мөнхтөрийн Нарантуяа иргэнийхээ хувьд улс оронд нэн ноцтой асуудал болоод байгаа Улаанбурхан өвчний улмаас олон зуун хүүхэд эндэж байгаатай холбогдуулан Эрүүл Мэнд, Спортын Яамны Сайд нь байхгүй учраас тус яамны төрийн нарийн бичгийн дарга С.Ламбаа-д мэдээлэл хүссэн албан бичиг хүргэхээр 4р сарын 15ны баасан гаригийн 11:00 цагт тус яаманд очих тул хэвлэл мэдээллийнхнийг хүрэлцэн ирж энэхүү мэдээг олон нийтэд бас түгээж өгнө үү хэмээн хүсч байна” хэмээн бичжээ.