Хөтлөгч Б.Батзаяа дахин киноны гол дүр бүтээв

Адал явдалт, инээдмийн жанраар хайрын тухай өгүүлэх, өвөрмөц зохиол, хийц шийдэлтэй “Өртөө” уран сайхны кино энэ сарын 8-нд нээлтээ хийсэн. Богино хэмжээний бүтээлүүдээрээ олноо танигдаж, бүрэн хэмжээний “Дуудлага”, “Учрал” нэртэй бие даасан кино бүтээлээ үзэгчдэдээ хүргэсэн “Aurora Films”-ийн залуу найруулагч Б.Чингүүн энэхүү киноны найруулагчаар ажилласан юм.

Харин туслах найруулагчаар “Ноён солиот”, “Салхи” Дамбий дүрээрээ олонд танигдсан жүжигчин Д.Бямбацогт ажилласан бөгөөд түүний хувьд Гавьяат жүжигчин Ж.Оюундарьтай алтан хамтрагч болон тоглосон байна.Түүнчлэн киноны гол дүрд “SBN” киноны хөтлөгч, жүжигчин Б.Батзаяа, жүжигчин Б.Хулан нар тоглосон юм. Хөтлөгч Б.Батзаяа өмнө нь хэд хэдэн дэлгэцийн бүтээлд гол дүр бүтээсэн бөгөөд энэ удаад ч дахин гол дүр авчээ.