Ж.Баясгалан: Зуун жил чамтайгаа хамт байхсан

“Үргээлэг-2” киног өлгийдөн авч үзэгчдийн хүртээл болгосон гавьяатан бол жүжигчин, продюсер  Ж.Баясгалан. СУИС-ийг жүжигчнээр төгссөн хэд хэдэн уран бүтээлд тоглосон ч хувийн бизнесээ хөөн уул уурхайн салбарт хүч үзэн амжилттай яваа. Тэрээр сүүлийн 3 жилд жүжигчний мэргэжлээрээ ажиллан мэргэжил нэгт нөхөдтэйгөө “Үргээлэг” киног дэлгэцнээ продюсерлан гаргаж олны анхаарлыг татаж эхэлсэн. Өнгөрсөн сард нээлтээ хийсэн “Үргээлэг-2” киноны нээлт дээр “Соёлын тэргүүний ажилтан” цолоор энгэрээ мялаасан. Урлагт хөрөнгө мөнгө гарган оройхон гараад ширүүхэн зүтгэж байгаа түүнийг өдгөө танихгүй хүнгүй. 

 Тэгвэл тэрээр өчигдөр өөрийн фейсбүүк хуудаснаа “2004.04.10 одоогоос 12 жилийн өмнө анхны бороо орж байсан тэр үүрээр чамтайгаа танилцаж байжээ. 2 бие минь 5 болжээ. Болдогсон бол 100 жил чамтайгаа хамт байхсан хайрт хань минь...” хэмээн бичжээ.