Зөвшөөрөлгүй жагсаал хийсэн иргэдийг 25 мянган төгрөгөөр торгожээ

Иргэний нийгмийн байгууллагууд өчигдөр 08.30 цагт төрийн ордны гадаа жагсаал зохион байгуулах явцдаа шар нунтаг бүхий зүйл цацсан.

Дээрх иргэд ямар ч зөвшөөрөлгүй байсан учраас Ч.Мөнхбаярыг Баянзүрх,Чингэлтэй, Сүхбаатар дүүргийн эрүүгийн хэргийн анхан шатны шүүхээс Жагсаал цуглаан хийх журмын тухай хуульд заасны дагуу 25000 төгрөгөөр торгожээ.

Тэд төрийн ордны зүүн хойд талын хаалган дээр бүртгэл, зөвшөөрөлгүйгээр жагсаал, цуглаан зохион байгуулсан тухай Цагдаагийн хэвлэл мэдээллийн албаны ахлах мэргэжилтэн,цагдаагийн ахмад Ё.Лхагвасүрэн хэллээ.

Эдгээр иргэд 10.10 цагийн үед шар өнгийн ууттай нунтгийг гаргаж, газар шидсэн аж.

Цагдаагийн байгууллагаас хамгаалалт авч,хэргийн газрын үзлэг хийж 7.3 кг бодис хураан авчээ.

Тухайн үед онцгой байдлын бүрэлдэхүүн ирж, тухайн бодисын дээжийг авч,шинжлэхэд ямар нэг цацраг идэвхт бодис илрээгүй байна.