Мakeup-artist Шүрээгийн “нил ягаан” гоёл

Монголын кино урлагийн салбарт цөөн тооны нүүр хувиргагчид бий. Учир нь энэ салбарт шинэ залуу уран бүтээлч ховор бэлтгэгддэгтэй холбоотой. Гэхдээ сүүлийн үеийн уран бүтээлүүдээс makeup-artist Б.Шүрэнчимэг гэх нэрийг олонтаа харсан болов уу. Тэрээр хийсэн бүтээснээрээ Монголын кино урлагийн шилдгийн шилдгийг шалгаруулдаг “Academy Awards 2014” наадмаас “Ларьдма” киноны хийсэн ажлаараа “Шилдэг нүүр хувиргалт” номинацийн эзэн болсон юм.

Харин энэ удаад тэрээр Хүннү театрт “Үргээлэг-2” киноны нээлтэд ийнхүү уригдан оролцсон юм. Тэрээр нил ягаан өнгөтэй богино даашинзаар гоёжээ. Хувцас, дизайныг өнгөтэй төгс хослуулах бол түүний мэргэжил. Тэр ч утгаараа хаа явсан өөрийнхөө нэрийг хуудсыг өмссөн зүүснээрээ илтгэн байдаг нэгэн юм.