Баян Баясаа “Соёлын тэргүүний ажилтан” боллоо

Өнгөрсөн амралтын өдөр “Хүннү Молл” төвд найруулагч Г.Эрдэнэбилэгийн “Үргээлэг-2” кино нээлтээ хийсэн юм. Нээлтийн ажиллагаанд киноны гол дүрийн жүжигчид болох Б.Амарсайхан, Г.Эрдэнэбилэг, Ж.Баясгалан, П.Цэрэндагва, жүжигчин С.Болд-Эрдэнэ, Ж.Баясгалан, Н.Ялалт, П.Баттөр нар оролцож, үзэгчидтэйгээ мэндчилсэн.

Мөн нээлтийн ёслолын үеэр уг киноны продюсераар ажилласан жүжигчин Ж.Баясгалан “Соёлын тэргүүний ажилтан” цол тэмдгээ гардан авсан нь баяр дээр баяр нэмсэн юм.Тэрээр СУИС-ийг төгсөн “Саарал гудамж ба тайчигч хөвгүүд” жүжигт ангийнхныхаа хамт тоглож байсан ч дараа нь хувийн бизнес хөөн алтны уурхайн эзэн болсон. Харни урлагт эргэн ирэхдээ нэлээдгүй дуулиантайгаар буюу “Үргэлээг” кинод тоглон продюсераар ажилласан юм.