”ОХИНЫ АНГИЙН ХҮҮХДИЙН ЭЭЖ СУРГУУЛЬ ДЭЭР НЬ ИРЖ ДОРОМЖИЛСНООС” БОЛЖ ИЙМ ҮЙЛДЭП ХИЙХЭД ХҮРГЭЖЭЭ

Өнөөдөр 12 цагийн үед Баянзүрх дүүргийн нутаг дэвсгэрт буюу Сансарын шатахуун түгээх станцын урд байрлах есөн давхар шар орон сууцны дээвэр дээрээс нэгэн охин амиа хорлохоор завдсаныг иргэд цагдаагийн байгууллагаруу ярьж дуудлага өгснөөр онцгой байдлын албаныхан ирж амиа хорлохыг завдсан охинтой 2 цаг ярилцаж охины ээжийг дуудан ярилцаж байх зуур онцгой байдлын албаны ажилтан охиныг татан амийг аварсан юм.Харин охин анхны мэдүүлэгтээ сургуульд нь гарсан цуурхалаас болж эл үйлдлийг хийхэд хүрсэн хэмээжээ.

Тодруулбал, хэд хоногийн өмнө охины ангийн хүүхдийн ээж сургууль дээр нь ирж “Охиноо дагуулж уруу татсан, биеэ үнэлэгч” хэмээн давшилснаар сургууль даяар охиныг буруутгах болсон байна. Үүний улмаас охин сургуульдаа явахаас зайлсхийж, улмаар амиа хорлохоор шийдсэн гэж мэдүүлжээ. Уг хэргийг одоогоор Баянзүрх дүүргийн Цагдаагийн хоёрдугаар хэлтэст шалгаж байна.