Бид 4 хамтлаг “18 нас би чамд хайртай” киноны дууг дууллаа

Тэртээ 20 жилийн өмнө Монголын хамгийн шилдэг Камертон хамтлаг Аяа миний - "18 нас" хэмээн анхны хит дуугаа дуулж байжээ. Тэр цагаас хойш олон арван хит дуугаар сонсогчдынхоо сонорыг мялаасаар ирсэн тус хамтлаг өөрсдийн залгамж халааг бэлтгэн Камертон-2 шоуг зохиож, Бид-4 хэмээх хамтлагийг урлагт шинээр мэндлүүлсэн. 

Тэгвэл залгамж халаа болсон БИД-4 хамтлагийн авъяаслаг залуус 20 жилийн өмнө Камертон хамтлагийн 18 насаа магтан дуулж байсантай адил "18 нас Би чамд хайртай" хэмээх залуусын гэгээн ариухан хайрын тухай өгүүлсэн уран сайханы киноны дууг дуулж үзэгч, сонсогчдын хүртээл болголоо. Тэрээр тус кино олон залууст анхны хайрын гэгээлэг сайхан бүхнийг таниулж, олон хүмүүсийн гэгээн дурсамжийг сэргээж сэтгэлийн утсыг хөндсөн гайхалтай уран бүтээл болсныг киноны үзэгчид сэтгэл хангалуунаар хэлж байгаа юм.