Стильдээ үнэнч Отгоо

Монголын рок попын хөгжмийн хүрээлэлд өөрийн стиль имиж, авьяас чадвараараа хүлээн зөвшөөрөгдсөн дуучин бол Отгоо буюу Х.Отгончимэг. Хөгжим шигээ эрч хүчтэй түүнийг “Нэгэн залуу”, “Заримдаа л”, “Эрчүүдийг үзэн ядах сэтгэлийг надад өгөөч” зэрэг олон гайхалтай уран бүтээлээр нь танихгүй хүн бараг ховор биз ээ.

Хэсэг хугацаанд уран бүтээлийн завсарлага авч, гурван хөөрхөн хүүхдийн ээж болоод амжсан дуучин бүсгүй өнгөрсөн онд уран бүтээлдээ эргэн орж, гурав дахь “Chillout” цомгоо худалдаанд гаргасан.Тэрээр өнгөрсөн гэгээн хайрын баяраар “A Sound” хамтлагийн тоглолт дээр ийнхүү уран бүтээлээ толилуулан тайзнаас хосуудтай мэндчилсэн юм. Тэрээр өдгөө ч альтернатив стильдээ үнэнч хэвээрээ байгаа юм.