Драмын театрын залуусын “өргөн” золголт

Улсын драмын эрдмийн театрын залуус сар шинийн өдрүүдэд ахмад уран бүтээлчдийнхээ гэрт очин хүндэтгэл үзүүлэн золголт хийжээ. Тэд театрынхаа бахархал болсон Урлагийн гавьяат зүтгэлтэн, найруулагч Б.Баатар, Ардын жүжигчин П.Цэрэндавга, С.Сарантуяа, Гавьяат жүжигчин Б.Жаргалсайхан, С.Дамдин, Ч.Алтан-Өлзийгийнд өргөн бүрэлдэхүүнээрээ очиж золгоцгоожээ.

Энэ цагийн уран бүтээлд гол дүрүүдийг бүтээж байгаа жүжигчин Г.Эрдэнэбилэг, С.Болд-Эрдэнэ, Г.Амгаланбаатар, О.Дөлгөөн, Одончимэг, Чингүүн зэрэг залуу уран бүтээлчид ийнхүү үндэсний дээл хувцсаараа гоён сар шинийн баяраараа өргөн золголт хийжээ.

Сонирхуулахад, Улсын драмын эрдмийн театрын хамт олон маргааш театрт  дээрээ үе үеийн ахмад буурлуудаа хүлээн авч золголт хийх юм.