АН, ИЗНН хоёр нэгдэхээр болжээ

АН, ИЗНН-ууд нэгдэхээр болсон байна. Тэд өнөөдөр нэгдэх санамж бичигт Төрийн ордны "Их Эзэн Чингис хаан танхим"-д гарын үсэг зурах юм. Ардчилсан намын Гүйцэтгэх зөвлөл мягмар гарагт хуралдаж ИЗНН болон МҮАН-ыг намдаа нэгтгэх асуудлыг шийдвэрлэж намуудыг нэгтгэх ажлын хэсгийг байгуулсан юм.

Ахлагчаар нь УИХ-ын гишүүн Р.Амаржаргалыг томилсон юм. Энэ асуудлаар ажлын хэсэг хоёр удаа хуралдсан бөгөөд өчигдрийн хуралдаанаар хоёр намын төлөөллүүд тохиролцоонд хүрч чадсан байна. ИЗНН-аас гарсан ажлын хэсгийг намын дарга С.Оюун ахалж, Р.Булгамаа нарийн бичгийн даргаар нь ажилласан байна. Ажлын хэсэгт намын дарга Ц.Ганхуяг, ЕНБД Б.Хүдэр-Ян, дэд дарга М.Хүрэлсүх, М.Энхтайван болон Ч.Базар нар багтжээ.